Sabirabadda məntəqə seçki komissiyasının katibi nə səbəbdən ölüb? (-Video)

 Sabirabadda məntəqə seçki komissiyasının katibi nə səbəbdən ölüb? (-Video)
Sabirabadda məntəqə seçki komissiyasının katibi nə səbəbdən ölüb? (Foto-Video)
Əməkdaşımız Şəhriyar kənd orta məktəbində müəllim işləyən Ədalət Adıyevin məntəqədə vəfat etməsi ilə bağlı yayılan xəbərə aydınlıq gətirdi; mərhumun dayısı: “Xəstə olduğunu bildiyimizdən onun işləməyinə razı deyildik”

Oktyabrın 9-da ölkəmizdə keçirilən prezindent seçkisi günü Sabirabad rayonu, Şəhriyar kəndi məntəqə seçki komissiyasının katibi Adıyev Ədalət Abuzər oğlunun vəfat etdiyi xəbəri yayıldı. “Facebook” sosial şəbəkəsində yayılan informasiyada deyilirdi ki, Ədalət Adıyev məntəqədə olarkən seçki prosesinin saxtalaşdırılmasına dözməyərək əsəbləşib və qəfil ürək tutması ilə elə məntəqədə vəfat edib.
Oktyabrın 10-da xəbərin nə dərəcədə doğru olub-olmadığını öyrənmək üçün yolumuzu Sabirabad rayonu, Şəhriyar kəndindən saldıq. Kənd sakinlərindən öyrəndik ki, mərhum Ədalət Adiyev uzun illərdir kənd məktəbində müəllim işləyib. Kənddə sayılıb, seçilən ağsaqqallardan biridir. Adıyevlər ailəsi Şəhriyar kəndinin girəcəyində yaşayırlar.
Mərhumun yas mərasimində iştirak edib, yaxınlarından Ədalət müəllimin nə səbəbdən rəhmətə getdiyinə aydınlıq gətirməyə çalışdıq. Mərhum Ədalət Adiyevin dayısı Paşa İsayev qəzetimizə açıqlamasında bildirdi ki, bacısıoğlu ilə bağlı yayılan informasiyadan hədsiz dərəcədə təəsüflənib: “Ədalət haqqında verilən məlumatlar yalandır. Mərhum uzun illər xəstəlikdən əziyyət çəkib. Üç il bundan öncə əməliyyat olunub. Ürəyində problemi var idi. Seçki günü səhər-səhər kənddə yerləşən məntəqəyə gedərkən evdə qəfil ürəyi tutub və rəhmətə gedib”.

Seçki məntəqəsində mərhumun kimlərsə tərəfindən hirsləndirilməsi məsələsinə aydınlq gətirən Ədalət Adıyevin dayısı qeyd etdi ki, deyilənlər yalandır: “Onu heç kəs hirlsləndirməyib. Dediyim kimi, səhər evdən məntəqəyə getmək istəyəndə ürəyi tutub. Seçkidən öncə onu Şəhriyar kəndi məntəqə seçki komissiyasının katibi təyi etmişdilər. İşinə çox məsuliyyətlə yanaşan biri idi. Seçki günü biz özümüz də arzı deyildik ki, o işə getsin. Ürəyinin xəstə olduğunu bilirdik”.

Paşa İsayev qeyd etdi ki, mərhum eyni zamanda mədə xəstəliyindən əziyyət çəkirmiş amma, ölümünə ürək tutması səbəb olub: “62 yaşı var idi. Şəhriyar kənd orta məktəbində riyaziyyat müəllimi işləyirdi. Bu il məktəbdə işlədiyinin 6 ili tamam oldu. Öncələr isə, Şəhriyar kənd icra nümayəndəliyinin müavini vəzifəsində çalışıb. Seçki təşviqatı müddətində səhhəti normal olub. Xəstə olduğunu bildiyimizdən onun işləməyinə razı deyildik”.

Mərhumun yaxınları bildiridlər ki, oktyabrın 9-da Sabirabad Rayon Prokurorluğunun əməkdaşları Şəhriyar kəndinə gələrək araşdırma aparıblar. Mərhum Ədalət Adıyev rəhmətə getdiyi gün kənd qəbirstanlığında dəfn edilib.

Fərahim İLQAROĞLU
Paylaş:   

Oxşar olan digər xəbərlər